యాంకర్ విష్ణుప్రియ రీసెంట్ గా ఒక యూట్యూబ్ ఛానల్ కి ఇచ్చిన ఇంటర్వ్యూలో అందరినీ ఆశ్చర్యపరిచే కొన్ని హాట్ టాపిక్స్‌ను బయటపెట్టారు! లాక్‌డౌన్‌లో లీకైన వీడియో గురించి, ఎక్స్-బాయ్‌ఫ్రెండ్స్‌తో అనుబంధం, మరియు బిగ్ బాస్ సహచరుడు పృథ్వితో ఆమెకున్న స్పెషల్ కనెక్షన్ గురించి మరియు కొన్ని వివాదాలపై మనసు విప్పి మాట్లాడారు.
లాక్‌డౌన్ వీడియో:
లాక్‌డౌన్ సమయంలో తనపై ఒక అశ్లీల వీడియో వచ్చిందని, అది తనను చాలా బాధించిందని విష్ణుప్రియ తెలిపారు. ఆ సమయంలోనే AI జనరేటెడ్ వీడియోల గురించి ఎవరికీ తెలియదని. ఇప్పటికీ కొందరు ఆ వీడియోలోని వ్యక్తి తనే అని నమ్ముతున్నారని, దాని వల్ల తనకు ఒక రకమైన బాడ్ ఇమేజ్ ఏర్పడిందని ఆమె ఆవేదన వ్యక్తం చేశారు. తన నిజమైన వ్యక్తిత్వం ఏంటో బిగ్ బాస్ ద్వారా తెలుస్తుందని ఆశించినట్లు చెప్పారు.
ఎక్స్-బాయ్‌ఫ్రెండ్స్‌తో స్నేహం? అవును, నిజమే!
ప్రస్తుతం సింగిల్‌గా, మింగిల్ అవ్వడానికి రెడీగా ఉన్నానని విష్ణుప్రియ నవ్వుతూ చెప్పారు. అయితే, ప్రెసెంట్ తన ఎక్స్-బాయ్‌ఫ్రెండ్స్‌తో బెస్ట్ ఫ్రెండ్స్‌గా ఉండటం గురించి తెలిసి చాలామంది ఆశ్చర్యపోతారని, “ఒకరిని పూర్తిగా క్షమించి, వారికి మంచి జరగాలని కోరుకుంటే, వారితో మాట్లాడకుండా ఎలా ఉంటారు?” అని ఆమె ప్రశ్నించారు. తన తల్లి మరణించిన సమయంలో ఇద్దరు ఎక్స్-బాయ్‌ఫ్రెండ్స్ తనకు అన్నీ సిద్ధం చేసి సహాయం చేశారని, అప్పటికి తాను మూడో వ్యక్తితో డేటింగ్ చేస్తున్నప్పటికీ ఇది జరిగిందని ఆమె గుర్తు చేసుకున్నారు. “ఇది నా అదృష్టం,” అని ఆమె గర్వంగా చెప్పారు!
పృథ్వి: స్నేహితుడా, లేక స్పెషల్?
బిగ్ బాస్ సహచరుడు పృథ్వి గురించి మాట్లాడినప్పుడు యాంకర్ విష్ణుప్రియ కళ్ళు మెరిశాయి. “అతను చాలా మంచి స్నేహితుడు,” అని ఆమె చెప్పారు, కానీ అంతటితో ఆగలేదు! బిగ్ బాస్ హౌస్‌లో పృథ్వి తనను పట్టించుకోలేదని కొందరు అనుకున్నప్పటికీ, “అతని మాటల కన్నా చేతలు ఎక్కువ చెప్పాయి,” అని ఆమె ప్రశంసించారు. KBKG షోకు వైల్డ్ కార్డ్ ఎంట్రీ ఇచ్చినప్పుడు, “పృథ్వి కోసమే వచ్చావా?” అని చాలామంది అడిగారని విష్ణుప్రియ చెప్పారు. వారిద్దరి మధ్య బయట కూడా బలమైన కనెక్షన్, బాండింగ్ ఉందని ఒప్పుకున్నారు. పృథ్వి తన కోసం ఉద్దేశించబడితే అది జరుగుతుందని, లేకపోతే ఈ క్షణాన్ని ఆనందిస్తూ, సరదాగా ఉంటూ ముందుకు వెళ్తామని, సీజన్లు మారినట్టు కొందరితో అనుబంధాలు మారతాయని, ఏదైనా జరగొచ్చని ఆమె స్పష్టంగా చెప్పారు.
